Gipaklaro sa World Health Organization nga dili angay ikabalaka sa publiko ang Hantavirus sama sa COVID-19 pandemic.
Nanawagan si WHO Director-General Tedros Adhanom Ghebreyesus sa mga residente sa Tenerife, Spain nga magpabiling kalmado human sa pag-abot sa cruise ship nga MV Hondius nga adunay kaso sa hantavirus.
Matod ni Tedros, dili angay itandi ang Hantavirus sa COVID-19 tungod kay ubos gihapon ang risgo niini alang sa publiko.
Gibutyag niya nga seryoso ang Andes strain sa hantavirus human mamatay ang tulo ka pasahero, apan iyang gisiguro nga wala nay nagpakita og sintomas karon sa mga sakay sa barko.
Gipasabot usab ni Tedros nga hugot ang plano sa Spain sa pagbalhin sa mga pasahero.
Dad-on sila sa industrial port sa Granadilla ug dayon ipauli diretso sa ilang tagsa-tagsa ka nasud aron malikayan ang pakighalubilo sa publiko.
Nagpasalamat ang WHO Director sa Spanish autrhorities ug sa mga residente sa Tenerife tungod sa ilang pagdawat sa barko isip kabahin sa international cooperation.
Personal usab siyang miadto sa Tenerife aron bantayan ang operasyon, samtang gihatagan niya og pasidungog ang mga residente ug otoridad tungod sa ilang pagpakabana ug panaghiusa.
