Adunay mga panguta karon kung unsa kaha ang nagpabiling lig-on ug nakapokus kang Phoenix Fuel Masters guard nga si Francis Escandor?
Tingali mao kini ang walay pagduhaduha nga pagsalig sa iyang coach ug mga kauban sa team bisan pa sa walay basehan nga pagdaot gikan sa iyang mga kritiko.
Napildi man ang Phoenix sa dula kagabii kontra sa guest team nga Macau Black Bears, apan usa ka butang ang sigurado alang sa Dabawenyo nga guard nga anaa gihapon kaniya ang suporta sa iyang team.
Samtang nagpadayon ang mga bashers sa ilahang paningkamot aron maapektuhan ang duwa ni Ef, nagpabilin gihapon nga bililhon ang iyang kontribusyon sa panan-aw sa iyang team.
Ug mao kini ang mas nakapasuko sa iyang mga kritiko: bisan pa sa ilang pagsulay nga hulugon siya, ang pagkamapaubsanon ug dedikasyon sa batan-ong player nagpadayon sa pagdawat og respeto gikan sa iyang team.
Sa locker room mismo, ang iyang mga kauban mao pa gani ang motabang kaniya sa pagpasagdan ang negatibong mga komento.
Ang wala lamang tingali makita sa iyang mga supporters ug nagtuo kaniya mao ang iyang mga swish gikan sa three-point area, nga ilang gilaoman nga masaksihan pag-usab sa dihang makigsangka ang Phoenix kontra sa San Miguel Beermen karong Sabado, Mayo 9, sa PBA Commissioner’s Cup.
