Gitala sa philippine institute of volcanology and seismology (phivolcs) ang sunod-sunod nga pagdagayday sa pyroclastic density currents (pdcs) o “uson” sa bulkang mayon kaniadtong mayo 2–3, 2026, ilabi na sa mi-isi gully sa habagatan-kasadpang bahin sa bungtod. sabay niini, gi-report sa office of civil defense (ocd) nga miabot na sa 52 ka barangay sa albay ang naapektuhan sa ashfall tungod sa padayon nga kalihokan sa bulkan.
Sumala ni Phivolcs Director Dr. Teresito Bacolcol, nagsugod ang serye sa kalihokan sa alas 4:28 sa hapon niadtong mayo 2, human adunay lava effusion sa summit nga mitultol sa pagkahugno ug nakapahinabog pinakadako nga pdcs sukad nga gi-raise ang alert level 3 sa mayon. Gibanabana nga miabot og 4 kilometro ang gitas-on sa uson nga nagdala og daghang abo ngadto sa mga lungsod sa Camalig, Guinobatan, Daraga, ug Legazpi City.
Sulod sa 24 ka oras, natala ang 25 ka volcanic tremors, 284 ka rockfall events, ug 14 ka pdcs signals, samtang miabot sa 1,586 tonelada kada adlaw ang sulfur dioxide (so₂) flux. Padayon gihapon ang pagdagayday sa lava sa basud, bonga, ug mi-isi gullies.
Tungod sa ashfall, hugot nga gipasidan-an ang mga residente nga magpabilin sa sulod sa balay, mogamit og protective masks, ug siguruhon nga natabunan ang pagkaon ug tubig aron malikayan ang kontaminasyon. Hugot usab nga gidili ang pagsulod sa 6-kilometro nga permanent danger zone (pdz) samtang nagpabilin sa alert level 3 ang bulkang mayon.
Sa kasamtangan, padayon ang koordinasyon sa ocd, phivolcs, ug lokal nga panggobyerno aron masiguro ang kaluwasan sa mga katawhan. Nakaandam na usab ang mga disaster response teams alang sa posibleng pag-evacuate kung mosamot pa ang kalihokan sa bulkan.
