Giaprubahan na sa bag-ong schedule sa Office of the President of the Philippines ang foreign travel ni Vice President Sara Duterte, nga pagahimoon na gikan Mayo 2 hangtod Mayo 15.
Subay sa kumpirmasyon ni Palace Press Officer Undersecretary Atty. Claire Castro, giisyu ang approval niadtong Abril 28 alang sa biyahe sa The Netherlands, Republic of Korea, Belgium, Germany, ug United Kingdom.
Sumala pa sa opisina, ang orihinal nga request sa Bise Presidente mao ang Abril 23 hangtod Mayo 15, apan giusab kini tungod sa oras sa pagproseso sa approval, maong gi-adjust ang petsa sa biyahe.
Dugang pa niini, gipatin-aw nga ang maong biyahe kabahin sa opisyal nga lakang sa pag-apil sa mga international engagements, ug ubos gihapon sa standard nga clearance procedures sa gobyerno.
