Posibleng mosaka ang presyo sa bugas sa nasod ug moabot sa P60 hangtod P62 matag kilo pag-abot sa Setyembre, sumala kang Agriculture Secretary Francis Tiu Laurel Jr.
Sa pagdungog sa sa Senate Proactive Response and Oversight for Timely and Effective Crisis Strategy (PROTECT) Committee, giibutyag ni Laurel nga ang gilauman nga pagsaka sa presyo tungod sa pagmahal sa abono, nga hapit na midoble ang presyo gikan P1,650 ngadto sa P3,000.
Gipasabot niya nga kung magpadayon ang mga mag-uuma sa tradisyonal nga paggamit sa urea ug dili mobalhin sa alternatibong mga abono nga girekomenda sa Department of Agriculture (DA), mas mosaka ang gasto sa produksyon nga moresulta sa mas mahal nga presyo sa bugas.
Dugang pa sa kalihim, gisubay na sa DA ang pipila ka mga lakang aron mapugngan ang pagsaka sa presyo, lakip na ang pagpatuman sa “rice blend” ug “corn blend.” Ang rice blend mao ang pagsagol sa imported ug lokal nga bugas, sama sa 70-30 o 60-40 nga ratio, aron mapadayon ang suplay ug makatabang sa mga mag-uuma.
Samtang ang corn blend mao ang kombinasyon sa puti nga mais ug bugas sa 50-50 nga proporsyon isip alternatibong pagkaon.
Padayon sumala pang nangita ang gobyerno og mga paagi aron magpabiling barato ang presyo sa bugas bisan pa sa nagkataas nga gasto sa produksyon.
