Gidayig sa DCPO ang dedikasyon, propesyunalismo, ug operational excellence sa Police Station 16 , Ma-a, nga gipangulohan ni PMAJ PHILIP DAVE A. UDDIN, Station Commander, tungod sa malampusong pagdakop sa usa ka street-level high-value drug personality ug sa pagkasakmit sa gibana-banang ₱142,800.00 nga kantidad sa giingong shabu.
Ang operasyon gihimo alas 8:57 sa gabii sa Purok 28, Poblacion, Barangay Maa, ning syudad sa Davao. Kini nga kalampusan nagpakita sa lig-on nga paningkamot sa mga personahe sa DCPO sa pakigbatok sa illegal drugs ug naghatag og gibug-aton sa kusog nga kooperasyon tali sa kapulisan, barangay officials, local government, ug mga aktibong miyembro sa komunidad.
Ang maong paningkamot importante aron mapugngan ang paglapad sa illegal nga droga ug mapanalipdan ang atong mga komunidad. Gipadayag usab sa DCPO ang ilang pasalamat sa Police Station 16 ug sa tanang supporting units tungod sa ilang dedikasyon ug kaisog sa pagpatuman sa maong malampusong operasyon.
Gidayig usab ang padayon nga suporta sa publiko nga dako og papel sa kampanya batok sa illegal drugs. Ang kampanya batok sa ilegal nga droga usa ka kolektibong responsibilidad. Pinaagi sa panaghiusa, pagbantay, ug padayon nga aksyon, mahimo natong gub-on ang drug networks, protektahan ang kabatan-onan, ug masiguro ang kaluwasan ug drug-free nga syudad sa Davao.
