Nagpabiling lig-on ang baruganan sa Philippine Army nga napatay sa engkwentro ang usa ka miyembro sa New People’s Army nga usa ka miyembro usab sa student council sa University of the Philippines Diliman nga kauban sa 18 pa nga napatay sa Negros Occidental.
Sumala pa kang DND Sec. Gilbert Teodoro nga Kung dili man tinuod nga armado, gikuwestiyon usab niini ang iyahang gitawag nga “obstruction” sa encounter site.
Kahinumduman nga usa ka student leader sa UP Diliman University Student Council ang lakip sa 19 nga nakabsan sa insidente sa Toboso, Negros Occidental.
Giila ang biktima nga si Alyssa Alano, Education and Research Councilor sa UP Diliman USC, nga napatay sa insidente niadtong Abril 19 sa Barangay Salamanca.
Matod sa USC, nahitabo ang insidente human sa giingong “walay hunong nga pagpamusil” sa 79th Infantry Battalion sa Armed Forces of the Philippines, nga miresulta usab sa pagbakwit sa 168 ka mga pamilya o 653 ka mga indibidwal.
Subay sa ilahang pahayag, gitawag sa student council si Alyssa nga “innocent civilian” ug gikondena ang iyang kamatayon, nga ilahang giingong may kalabutan sa militarisasyon sa lugar.
