Gisaway ni VP Sara Duterte ang Office of the President of the Philippines tungod sa giingong nalangan nga pagpagawas sa iyang travel authority, nga nakaapekto sumala pa sa iyang byahe.
Matod ni Bise Presidente, nakahatag kini og pagduha-duha kung tugotan ba siya nga mobyahe, busa giusab niini ang iyang travel plans.
Gikompirma sa Malacañang nga giaprubahan ang iyang travel authority niadtong Abril 22 alang sa pagbyahe sa pipila ka mga nasod.
Gihangyo niya ang Palasyo nga mas paspas ang pagproseso sa umaabot nga travel requests aron malikayan ang aberya sa preparasyon.
Dugang pa niya, importante usab ang hustong pagdumala sa sensitibong mga dokumento.
Ang isyu mitungha samtang nagpadayon ang impeachment hearings batok kaniya sa Kamara ug ang laing desisyon sa International Criminal Court may kalabotan sa kaso sa iyang amahan nga si kanhing Pang. Rodrigo Duterte.
