Nadismaya ang Presidente sa Ukraine nga si Volodymyr Zelensky sa sunod-sunod nga pagbisita sa mga envoy sa Estados Unidos paingon sa Moscow nga wala man lang moagi sa Kyiv, nga iyang gibutyag nga usa ka “kawalay respeto” samtang padayon ang gubat sa Ukraine.
Sa usa ka interbyu, gibutyag ni Zelensky nga bisan tuod nasabtan niya ang mga logistical nga kalisdanan, klaro gihapon nga ang pag-adto nila Steve Witkoff ug Jared Kushner sa Russia nga wala bisitaha ang Ukraine nagpakita og kakulangan sa pagtahod.
Samtang iyahang gibutyag nga abri ang Ukraine sa pagpakigkita bisan asa nga nasod kung kinahanglan.
Si Witkoff, nga special envoy ni U.S. President Donald Trump, pipila ka higayon na nga nakigpulong sa Presidente sa Russia nga si Vladimir Putin sa Moscow.
