Presyo sa world market misaka og kapin sa 5% human mibalik ang kabalaka nga maguba ang ceasefire tali sa Estados Unidos ug Iran.

Misaka og kapin sa 5% ang presyo sa lana sa global nga merkado niadtong Lunes human mibalik ang kabalaka nga mahimong maguba ang ceasefire tali sa Estados Unidos ug Iran.

Miabot sa $95.46 kada bariles ang Brent crude samtang ang U.S. West Texas Intermediate (WTI) misaka sa $88.89 kada bariles.

Sumala sa mga report, nisaka ang presyo human gisikop sa Amerika ang usa ka Iranian cargo ship ug ang pagsirado pag-usab sa Strait of Hormuz, usa sa mga agianan sa halos 20% sa global nga suplay sa lana.

Bisan pa nga niubos og hapit 9% ang presyo sa lana niadtong miaging Biyernes tungod sa temporaryong pag-abli sa maong strait, misaka pag-usab kini tungod sa bag-ong tensyon tali sa duha ka nasud.