-- ADVERTISEMENT --
Ginatun-an na sa Malacañang Palace ang sugyot nga subling isibog ang Barangay ug Sangguniang Kabataan Elections taliwala sa krisis sa ekonomiya ug pagsaka sa presyo sa lana.
Sumala ni Palace Press Officer Claire Castro, abri si Pangulong Ferdinand Marcos Jr. sa mga suhestyon nga makatabang sa nasod, lakip ang proposal nga posibleng makasave og hangtod ₱16 bilyon kung dili madayon ang eleksyon.
Kahinumduman nga adunay panawagan nga i-postpone ang BSKE sulod sa unom ka bulan, ug gi-propose nga ang pondo niini gamiton na lamang aron maibsan ang epekto sa pagsaka sa presyo sa lana.
Apan, una nang gipadayag sa Supreme Court of the Philippines nga ang sagunson nga pag-postpone sa maong eleksyon supak sa Konstitusyon.
