Mikunhod ang presyo sa kudo sa world market human sa pag anunsyo sa Iran nga “completely open” na ang Strait of Hormuz sa mga commercials ships nga muagi sa maong lugar.
Sumala pa sa taho, mikunhod sa kapin $88 kada bariles ang Brent Crude gikan sa kapin $98 niadtong Sabado. Ang Strait of Hormuz usa sa pinaka importante nga ruta nga nagdala sa halos 20% nga pangkalibutanong lana ug liquefied natural gas.
Samtang misulti sab ang Iranian Foreign Minister Abbas Aragchi na mamamahimong makaagi ang tanan nga commercial vessels samtang anaa pa sa ceasefire ang rehiyon.
Tungod niini. mitaas sab ang mga stock market sa U.S ug Europa kon asa misaka ang S&P 500, Nasdaq ug Dow Jones sa kapin 1% samtang ang mga merkado sa Europa sama sa DAX sa Germany ug CAC sa France diin misaka sab og kapin 2%.
Kahinumduman nga adunay pagtaas sa presyo sa lana niadtong mga miaging semana tungod sa tensyon tali Iran ug Israel, kung asa miabot ngadto sa kapin $100-$119 kada bariles
Sa pag-abre sa maong ruta, kanunay gihapon nga mag igmat ang mga shipping companies ug sa tahong maghulat una bago muagi sa naturang lugar tungod sa isyu sa seguridad.
