Gisiguro sa Malacañang Palace nga hapsay ug organisado ang pagpatuman sa fuel subsidy alang sa mga driver ug fare discount alang sa mga pasahero sa tibuok nasud.Matud pa ni Sec. Ralph Recto, kinahanglan magtinabangay ang mga lokal nga panggobyerno ug nagkalain-laing ahensya aron masiguro ang paspas nga paghatag sa ayuda ug malikayan ang mga paglangan sa implementasyon.
Lakip sa mga ahensya nga nalambigit mao ang Department of Energy, Department of Transportation, Land Transportation Franchising and Regulatory Board, ug Department of the Interior and Local Government, kauban ang mga local government units (LGUs).Ilawom sa Pantawid Pasada Program, ipatuman ang fuel subsidy alang sa mga jeepney ug UV Express drivers, samtang 20 porsyento nga diskwento sa pamasahe ihatag usab sa mga pasahero sa pipila ka ruta sa jeep ug bus ubos sa service contracting program.
Gisugdan na karong semanaha ang rollout sa Metro Manila, apil ang Commonwealth Avenue sa Quezon City, ug giplanohan nga palapdon pa kini ngadto sa ubang rehiyon sa nasud sa umaabot nga mga adlaw.Sumala sa mga otoridad, padayon ang monitoring ug coordination sa tanang ahensya aron masiguro nga walay mawad-an sa benepisyo ug mahatag dayon ang ayuda sa mga kwalipikadong benepisyaryo.
Gidugang pa nga gilauman nga liboan ka mga tsuper, kapin usa ka libo ka operators, ug hapit 15 milyon ka commuters sa tibuok Pilipinas ang makabenepisyo sa maong programa, nga gitutukan karon isip usa ka mayor nga hakbang sa pagtabang sa transport sector ug sa publiko.
