Gipadayag ni House Speaker Faustino “Bojie” Dy III nga ang pagkadakop kang kanhing Ako Bicol Partylist Representative Elizaldy Co usa ka klaro nga mensahe nga dili makaikyas ang mga nagtago sa balaod. Sumala pa sa House Speaker, ang maong pag-aresto usa ka mahinungdanong lakang padulong sa hustisya nga nagpakita sa determinasyon sa administrasyon nga papanubagon ang tanang nalambigit sa giingong anomalya sa mga imprastraktura nga proyekto sa gobyerno.
Dugang pa niini, gipasiugda nga walay lugar ang korapsyon ilalom sa liderato ni Pangulong Ferdinand Marcos Jr., subay sa iyang gipadayag sa State of the Nation Address (SONA), diin iyang giinahanglan ang hustisya ug transparency sa gobyerno.Lakip sa gipahayag sa lider sa Kamara nga ang pagpanubag angay ipatuman sa tanan, ilabi na kadtong gitugyanan sa pondo sa katawhan.
Sa kasamtangan, padayon ang trabaho sa House of Representatives sa Kongreso aron matubag ang mga reklamo sa publiko, bisan pa sa nagkagrabeng tensyon sa tungang sidlakan ug uban pang isyu sa nasud.Dugang pa niini, gi-report nga si Elizaldy Co nadakpan sa Prague, Czech Republic ug karon anaa na sa kustodiya sa mga otoridad human giharang sa iyang pagsulod sa nasod tungod sa giingong kakulang sa angay nga dokumento.
Subay sa kinatibuk-ang imbestigasyon sa gobyerno, padayon ang koordinasyon sa mga ahensya aron masiguro nga matuman ang hustisya ug mapanubag ang tanan nga posibleng nalambigit sa maong kontrobersiya.
