Sikop sa Tagum City Police Station ang tulo ka mga batan-on nga giingong gisibatan ang ilang gisakyang tricycle gikan sa La Filipina padulong sa Bermudez Plains, Apokon ning dakbayan.Miingon ang kapulisan nga kalit nanagan ang maong mga batan-ong lalaki pag-abot sa ilang destinasyon ug wala mibayad sa plite.
Gipadayag usab nga ang tulo ka minors nga nahisgutan sa usa ka viral nga post anaa na karon sa kustodiya sa estasyon kauban ang ilang mga ginikanan alang sa hustong disposisyon ug pagproseso sumala sa balaod.Nagpatuman ang Philippine National Police (PNP) og angay nga interbensyon ilalom sa child protection procedures aron maseguro ang kaayohan sa mga minors ug matubag ang reklamo sa publiko sa hustong paagi.
Ginahagyo sa kapulisan ang publiko nga likayan ang pagpakaylap og dili beripikadong impormasyon ug mga post nga posibleng makaapekto sa privacy ug dignidad sa mga minors ug sa ilang pamilya.Nagpasalig ang Tagum City Police Station nga magpadayon sila sa pagmonitor ug pagpatuman sa balaod aron maseguro ang kaluwasan sa publiko ug ang hapsay nga serbisyo sa dakbayan.
