Nagpahinumdom pag-usab ang City Social Welfare and Development Office (CSWDO) sa mga kinahanglanon aron makakuha og travel permit alang sa mga menor de edad ubos sa 18 anyos nga mobyahe nga walay kuyog o kuyog ang laing tawo gawas sa ilahang ginikanan.
Ang maong polisiya ipatuman ubos sa City Ordinance No. 0111-25, Series of 2026, nga nailhan usab isip Children’s Welfare Code, nga nagtumong sa pagpalig-on sa proteksyon sa kabataan sa siyudad.
Subay sa mga giya, ang mga menor de edad nga mobyahe nga walay kuyog kinahanglan magpresentar sa mosunod nga dokumento: birth certificate, valid ID o school ID, sulat sa pagtugot gikan sa ginikanan, barangay certificate, ug valid ID sa ginikanan nga adunay tulo ka pirma.
Dugang pa, ang tawo nga itudlo aron mosugat o mokuyog sa menor kinahanglan usab magpasa og valid ID nga adunay tulo ka pirma.
