Gipasalig ni DA Sec. Francisco Tiu Laurel Jr. nga nagpabiling lig-on ang suplay sa bugas sa nasud bisan pa sa pagsaka sa presyo sa lana ug gasto sa agrikultura tungod sa tensyon sa Middle East.
Sumala sa Department of Agriculture chief, ang posibleng 20% nga pagkunhod sa produksyon sa humay giisip lamang nga “worst-case scenario” ug wala gilauman nga mahitabo tungod sa mga lakang sa gobyerno.
Dugang pa niya, nakabenepisyo ang Pilipinas sa igo nga global rice supply, ilabi na gikan sa mga nag-unang exporters sama sa India ug Vietnam nga karon anaa sa peak harvest season.
Gibutyag usab nga hapit napuno na ang mga bodega sa National Food Authority (NFA), nga nagsilbing buffer stock sa nasud.
Nag-gahin usab ang DA og ₱10 bilyon nga assistance package alang sa mga mag-uuma ug mananagat, lakip ang fuel subsidies ug uban pang interventions, nga naghatag prayoridad sa produksyon sa bugas.
Andam usab ang gobyerno nga magdugang og hangtod ₱20 bilyon alang sa farm inputs ug ₱10 bilyon alang sa tabang sa fisherfolk aron mapadayon ang ilang panginabuhi-an.
Gipalambo pag-usab sa DA ang paggamit sa alternatibong solusyon sama sa biofertilizers aron maminusan ang pagsalig sa mahal nga agricultural inputs.
