Giduso sa kamara de representantes ang paggamit sa bilyon nga kita gikan sa malampaya deep water gas-to-power project aron pondohan ang pagpahimutang sa strategic fuel reserves sa nasud, isip lakang batok sa padayon nga pag-usab-usab sa presyo sa lana ug posibleng kakulang sa suplay.
Sumala pa kang house minority leader marcelino libanan, ang gobyerno angay nga pahimuslan ang royalties nga nakolekta gikan sa proyekto aron suportahan ang pagtukod sa coastal petroleum storage facilities ilalom sa philippine national oil company (pnoc).Lakip sa pinakabag-o nga datos sa budget of expenditures and sources of financing (besf), miabot na sa ₱200 bilyon ang total nga nakolekta sa gobyerno gikan sa malampaya sukad 2014 hangtod 2024, nga katumbas sa average nga ₱18.2 bilyon kada tuig.
Dugang pa niini, gilauman nga mosaka pa ang pondo sa mga sunod nga tuig human sa pag-drilling sa duha ka bag-ong gas wells sa maong pasilidad.Subay sa giingon sa mambabalaud, ang royalties nga nakolekta alang sa energy development angay ibalik sa sektor pinaagi sa pagpalig-on sa fuel storage capacity sa pilipinas.
Lakip sa plano ang pagtipig sa mga importanteng produktong petrolyo sama sa diesel, gasolina, ug aviation fuel aron masiguro ang kahapsay sa suplay.Sa kasamtangan, gipasiugda nga pinaagi niini nga lakang, maprotektahan ang nasud sa posibleng krisis sa enerhiya ug mapugngan ang grabeng epekto sa kalit nga pagsaka sa presyo sa internasyonal nga merkado.
