Gisaway ni Partylist Rep.Terry Ridon, miyembro sa House Committee on Public Accounts, si VP Sara Duterte sa pagpasaka og petisyon sa Supreme Court aron ipahunong ang impeachment proceedings sa Kamara batok kaniya.
Sumala ni Ridon, nakabase ang petisyon sa sayop nga presentasyon sa mga kamatuoran ug hiwi nga interpretasyon sa Konstitusyon ug sa existing jurisprudence.
Gibutyag niini nga hapsay ang pagproseso sa referral sa upat ka impeachment complaints sa plenaryo niadtong Pebrero 23, 2026, ug dili lamang kini aksyon sa liderato o komite.
Gilimod usab niini nga kinahanglan og deliberasyon sa wala pa ang referral, kay walay ingon niini nga rekisito sa Konstitusyon, House rules, o existing court decisions. Walay mga magbabalaod usab nga misupak o nangayo og deliberasyon.
Tungod sa one-year bar rule, matod ni Ridon, walay paglapas nga nahitabo tungod usa ra ka valid referral ang natala.
Tungod niini nga lig-on ang legal basis sa mga lakang sa House Committee on Justice, lakip ang pagdungog ug pangolekta sa ebidensya.
Bisan pa sa petisyon, gikanayon ni Ridon nga magpadayon ang Kamara sa proseso sa impeachment.
Gilauman nga ipagawas sa Abril 14 ang mga dokumento gikan sa Ombudsman, BIR, ug SEC, lakip na ang testimonya sa mga saksi.
