Mga pribadong ospital sa nasud, posibling mopataas sa ilahang singil

Nagpahimangno ang mga pribadong ospital sa nasud nga posibleng mosaka ang ilahang mga singil.

Sumala kang Jose Rene de Grano, presidente sa Private Hospitals Association of the Philippines Inc., adunay plano ang pipila ka miyembro niini nga magtaas og hangtod 5 porsyento sa ilahang fees.

Kini tungod sa pagsaka sa presyo sa produktong petrolyo nga nakaapekto sa delivery sa mga medisina ug uban pang medical supplies.

Dili usab mahimo nga mag-operate ang mga ospital nga walay standby generator, ug ang uban namalhin sa renewable energy aron makatabang sa power utility, apan mahal gihapon kini.

Gipaklaro niini nga magdepende gihapon kini kung unsaon pagdala sa matag ospital sa kasamtangang sitwasyon.