Nagplano karon ang National Food Authority (NFA) sa pagpalit og mga palay sa katapusan nga sa bulan sa Marso.
Sumala kang NFA Administrator nga si Larry Lacson, tumong niini aron mapulihan ang national buffer stock sa bugas.
Sa pagkakaron, nagpalit sila og fresh nga palay sa kantidad nga P17 kada kilo samtang ang uga o dry nga palay ang anaa sa P21 matag kilo aron malikayan ang kompetisyon sa merkado.
Dugang pa niya, naghulat sila nga mokalma ang presyohan gumikan kung mopalit sila karong panahona sa anihan, posible nga makadugang kini og pressure sa pagsaka sa presyo.
Nasayran nga ang national average nga presyo karon ang naa sa P21 kada kilo alang sa fresh nga palay ug P25 matag kilo alang sa uga nga palay.
Target sa gobyerno nga makatigom og 790,000 metric tons nga bugas isip national buffer stock karong tuiga.
