Gibombahan sa Israel Defense Forces ang Qasmiyeh Bridge ibabaw sa Litani River sa habagatan sa Lebanon kagahapong adlawa.
Kini nga tulay usa ka importante nga agianan nga nagkonekta sa habagatan sa Lebanon padulong sa uban nga bahin sa nasud.
Ang aksyon gisunod sa mando sa depensa sa Israel nga gub-on ang tanang tulay ibabaw sa Litani River ug palig-onon ang pagbungkag sa mga balay duol sa border, aron malikayan ang lihok sa Hezbollah ug ubang pwersa.
Gisaway kini sa mga awtoridad sa Lebanon, lakip na ang Presidente nga si Joseph Aoun, nga nagbutyag nga ang pagbungkag sa tulay ug uban pang imprastruktura mahimong pasiuna sa usa ka ground invasion ug makadaot sa vital nga access sa habagatan sa Lebanon.
Ang pagbungkag sa imprastruktura nahitabo samtang nagpadayon ang nagkadako nga tensyon sa rehiyon tali sa Israel, mga pwersa nga konektado sa Iran sama sa Hezbollah, ug ang mas halapad nga West Asian theatre, diin adunay rocket exchanges, airstrikes, ug ground operations sukad sa sayong bahin sa Marso.
