-- ADVERTISEMENT --
Gikabalak-an ang laing dako nga pagsaka sa presyo sa diesel sa sunod semana, nga gibana-banaan nga mosaka kini og P14 hangtod P14.50 matag litro, sumala sa usa ka industry source.
Posible kini nga moabot ang presyo sa diesel padulong sa P130 matag litro, human sa kapin P20 nga pagsaka matag litro ning semanaha.
Samtang ang gasolina, gilauman usab nga mosaka og P7 hangtod P7.50 matag litro, nga mahimong molapas sa P100 matag litro sa sunod semana.
Ang maong pagbana-bana gibase kini sa upat ka adlaw nga trading sa Mean of Platts Singapore ug posible pa nga mosaka pa kini tungod kay adunay usa pa ka adlaw nga trading nga wala pa maapil.
