Gisaway ni Rear Admiral Jay Tarriela ang paggamit sa China sa usa ka daan nga suwat aron ipasabot nga gi-surrender na sa Pilipinas ang Scarborough Shoal.
Nasayran nga ang maong sulat gikan pa kang Bienvenido A. Tan Jr., nga gipadala niadtong 1990 ngadto sa usa ka German, diin gikabutyag nga ang Scarborough Shoal anaa sa gawas sa colonial boundaries.
Sumala pa ni Tarriela, dili kini usa ka official waiver, apan simpleng sulat lamang kini sa usa ka pribadong indibidwal.
Sumala pa ni Tariel nga walay katungod ang mga ambassador nga magdesisyon kabahin sa teritoryo ug soberanya sa Pilipinas.
Gidugang pa niya nga pinaagi sa 2016 arbitral ruling, klaro kaayu nga ang Scarborough Shoal sakop sa Exclusive Economic Zone (EEZ) sa Pilipinas.
Tungod niini, gipahimangnuan ang publiko nga magbinantayon kanunay sa mga pagpanglingla mahitungod sa isyu sa West Philippine Sea.
