Napakyas si Nonito Donaire Jr. sa iyang bantamweight title eliminator batok ni Riku Masuda sa Yokohama, Japan.
Mi-surrender ang kampo ni Donaire ug giitsa ang puti nga towel sa ika-walong round human sa padayon nga sumbag gikan sa mas bata nga Japanese boxer.
Sa ika-lima nga roound medy nakabawi pa si Donaire, diin naigo niya si Masuda gamit ang left hook nga gisundan sa right hook, apan sa pagsulod sa ika-unom nga round, nibalik ang kusog ni Masuda ug napatumba pa niya si Donaire.
Kini na ang ikaduhang sagunson nga kapildihan ni Donaire, nga karon adunay record nga 43 ka daog, 10 kapildihan, ug 28 knockouts, samtang si Masuda adunay 10 ka mga kadaugan ug usa ka kapildihan.
Kahinumduman nga niadtong Disyembre, napildi usab si Donaire ni Seiya Tsutsumi pinaagi sa split-decision sa Japan.
sa pagkakaron, padayon ang pagpaningkamot ni Donaire sa pag-ayo ug pagbalik sa ring aron makabawi sa sunod niining sangka sa ring.
