Mag-atubang karon sa hulga sa halapd nga pagbaha ang upat ka rehiyon sa Mindanao tungod sa extension sa bagyo nga anaa pa sa gawas sa Philippine Area of Responsibility (PAR).
Sumala sa Philippine Atmospheric, Geophysical and Astronomical Services Administration (PAGASA), ang bagyo nagdala og padayon nga pag-ulan sa daghang lugar sa Mindanao.
Lakip na niini ang mga musunod nga lugar nga gilangkuban sa Region 11 (Davao Region) – Davao del Norte, Davao de Oro, Davao Oriental, Davao del Sur.
Sa Region 12 (SOCCSKSARGEN) gilangkuban kini sa Sarangani, South Cotabato, Sultan Kudarat.
Sa Region 13 (CARAGA) maapektuhan ang Agusan del Norte, Dinagat Islands, Agusan del Sur, Surigao del Sur, Surigao del Norte ug ang BARMM region nga gilangkuban sa Maguindanao, Lanao del Sur.
Bisan pa man nga ang bagyo nagpabilin nga anaa sa gawas sa Pilipinas, posible nga kini ang katapusang flood advisory alang sa mga nasampit nga rehiyon tungod sa epekto sa bag-ong bagyo.
