Gireklamo sa Ombudsman ang mga tag-as nga Opisyal sa DOH. Gipasa sa Office of the Ombudsman ang reklamo batok sa pipila ka mga tag-as nga opisyal sa Department of Health (DOH).
Kini mahitungod sa alegasyon sa anomalya sa pagpamalit sa mobile primary care facilities (MPCF) nga nagkantidad ug P1.8 bilyon.
Sumala sa siyam ka pahina nga reklamo sa mga concerned DOH employees, gi-reklamo nila si Secretary Teodoro Herbosa, Undersecretary Glen Matthew Baggao, nga nagdumala sa Health Facilities Enhancement Program, Brigida Romualdez-Aquino, head executive assistant sa secretary sa health, Allan Tope, executive assistant VI sa secretary. Hinungdan sa reklamo, gihangyo niini sa Ombudsman nga imbestigahan ang maong mga opisyal tungod sa posibleng graft ug paglapas sa New Government Procurement Act ug sa iyahang implementing rules and regulations (IRR) tungod sa iregularidad sa pagpamalit sa MPCF.
Gidugang pa sa reklamo nga nanawagan sila sa preventive suspension sa mga opisyal aron dili kini makaapekto sa imbestigasyon sa Ombudsman.
Sumala pa sa reklamo, kadaghanan sa mga gipanghatag nga units sa Mindanao mga depektibo, nga nagpakita nga klaro ang anomalya sa pagpamalit sa mga MPCF.
