Gimando na sa Department of Energy (DOE) ang Philippine National Oil Company (PNOC) ang pagpalit og dili moubos sa usa ka milyon nga drum sa krudo isip reserba nga suplay sa gobyerno, taliwala sa padayon nga pagsaka sa presyo sa lana ug kabalaka sa global nga merkado.
Sumala kang Director Rino Abad sa Oil Industry Management Bureau (OIMB-DOE), kini nga direktiba gikan kang DOE Secretary Sharon Garin aron masiguro nga adunay igong suplay sa diesel nga magamit sa nasod kung adunay kalit nga disturbo sa global nga distribusyon.
Gipaklaro ni Abad nga gamiton sa PNOC ang ilahang kaugalingong pondo aron sa pagpalit sa reserbang diesel ug ibaligya kini sa mga kompanya sa lana nga walay markup, busa walay lauman nga mosaka ang presyo sa merkado.
Target sa gobyerno nga mopalit gikan sa mga nasod sama sa South Korea, Japan, Singapore, Malaysia, Indonesia, ug Canada, nga gilaumang makadugang sa seguridad sa suplay sa nasod.
