Gipahagsa sa Qatar fighter jets ang mga Iranian bombers nga padulong unta sa US airbase.
Sumala sa Qatari military, dali nilang naharang ang bomber sa Iran nga padulong unta sa al-Udeid, ang labing dako nga US military base sa Qatar.
Naharang usab sa air defenses sa Abu Dhabi ang mga missiles ug drones nga padulong gikan sa Iran.
Matod sa ministry of defense, ang kusog nga pagbusikad nga nadungog sa mga residente resulta sa pagbabag sa ilahang Air Defense Systems sa mga missiles ug drones.
Miabot na sa 1,230 ang nakabsan sa kinabuhi sa bahin sa Iran sukad sa paglusad sa Israel ug US sa ilahang pag-atake niadtong Sabado.
Ang maong ihap milapas na sa naunang report nga 1,190 ang nakabsan sa kinabuhi sa unang pag-atake sa US ug Israel sa Iran niadtong Hunyo sa miaging tuig.
Gipadali usab sa United Kingdom ang pagpahikling sa ilagang mga katawhan nga naipit sa kagubot sa Tungang Sidlakan.
Sumala sa British Prime Minister Keir Starmer, adunay mga chartered flights nga gikuha aron mapadali ang pag-evacuate.
Gipaklaro usab niini nga nagpadayon gihapon sila sa defense mode, diin ilahang gidepensa ang mga military base sa UK nga anaa sa Middle East.
