Kapin sa 101 ka mga tripulante ang gikatahong nawagtang human maunlod ang Iranian Navy frigate IRIS Dena sa gawas sa teritoryal nga katubigan sa Sri Lanka adlaw’ng Miyerkules.
Sumala kang Sri Lanka Foreign Minister Vijitha Herath, naluwas sa ilahang Navy personnel ug airforce ang 32 ka mga samaran nga sakay sa barkong panggubat sa Iran, ug kadaghanan kanila anaa sa kritikal nga kahimtang.
Ang insidente nahitabo samtang pauli na ang barko gikan sa MILAN 2026 International Fleet Review nga gipahigayon sa India.
Gidala dayon sa ospital sa Galle ang mga naluwas nga tripulante, diin padayon silang gitambalan.
Gukimupirma usab ni Dept.of War Secretary Hegseth nga sila ang responsabli sa pagpaunlod sa warship sa Iran. Sa pagkakaron anaa na sa 87 ang patay atol sa pag-ataki.
Ang pagkaunlod sa IRIS Dena nakahatag usab og dakong kabalaka sa rehiyon, ilabi na nga nagkadako ang tensyon sa Middle East karong panahuna.
