Gipasalig ni Pang.Ferdinand R. Marcos Jr. nga adunay igo nga lana ang Pilipinas nga mahimong molungtad og Singkwenta hangtod Saysenta ka adlaw bisan paman sa nagkagrabeng tensyon sa Tungang Sidlakan nga posibleng mopataas sa presyo sa lana sa tibuok kalibutan.
Sumala sa Pangulo, bisan paman nga posible nga mosaka ang presyo tungod sa geopolitical tensions, dili sumala pa giulayon nga mabutang sa piligro ang nasod sa kakulang sa suplay tungod sa existing nga stockpile sa gasolina, fuel oil, ug kerosene.
Dugang pa niya, ang mga supplier sa petroleum products adunay kaugalingong imbentaryo nga mahimong ipagawas, nga naghatag og dugang suplay alang sa nasod.
Giila usab ni Marcos nga ang kagubot sa Middle East mahimong makaapekto og dako sa global nga presyo sa lana, mao nga ang gobyerno nagtan-aw sa mga contingency measures aron mapagaan ang epekto niini sa mga konsumidor.
Lakip niini ang mga lakang aron maminusan ang palas-unon sa mga panimalay ug negosyo kung magpadayon ang pagsaka sa presyo sa fuel.
gimando ni Pang.Ferdinand R. Marcos Jr. sa tanang ahensya sa gobyerno nga magdaginot sa kuryente taliwala sa hulga sa pagsaka sa presyo sa lana sa global nga merkado.
Gihangyo usab sa Pangulo ang publiko nga makigbahin sa pagdaginot sa kuryente.
