Gibarugan sa pipila ka mga magbabalaod sa Kamara nga igo na sa substansiya ang video sa sumala pa hulga sa pagpatay aron moaginod ang ika-upat nga basihanan sa ikatulong impeachment complaint batok kang VP Sara Duterte Carpio.
Atol sa pagdungog sa House Committee on Justice nga gipangulohan ni Batangas Rep. Gerville “Jinky Bitrics” Luistro), gipakita ang viral nga video diin madungog si VP Sara nga nagmando og pagpatay kung siya mapatay usab.
Sumala ni ML Party-list Rep. Leila de Lima, ang maong pahayag dili lamang simpleng retorika apan adunay bug-at nga implikasyon sa constitutional order.
Gibutyag usab nila Congw. Ysabel Maria Zamora, Cong.Zia Alonto Adiong, ug Congw.Janice Degamo nga ang pagbutyag sa pagkuha og assassin klarong pagpanglimbong sa pagsalig sa publiko ug posible moresulta sa aktuwal nga “violence”.
Bisan pa sa kabalaka ni Rep. Jesus “Bong” Suntay kabahin sa free speech ug kakulang sa ebidensya sa aktuwal nga kasabutan, nagpabilin ang kadaghanan nga igo ang basihanan aron isipon nga impeachable offense ang pamahayag sa Bise Presidente.
