Hugot nga gilimod ni BuCor.General Gregorio Catapang nga pulihan kini sa iyahang katungdanan tungod sa pagkatag sa mga impormasyon.
Sumala pa sa opisyal nga kini usa ka produkto lamang sa “evil forces” ang maong spekulasyon, ug gibutyag nga makapaalarma ang pagpakatag sa fake news karon.
Matud pa niya, apektado niini ang integridad sa institusyon ug ang pagsalig sa publiko.
Gipasabot sa director general nga importante nga mahimong magsusi pang-ayo ang mga katawhan sa mga balita o impormasyon nga makita online.
Gihangyo ni Catapang ang publiko nga i-verify una ang impormasyon ug tan-awon usab sa mga kasaligan nga news sources sa dili pa kini dawaton nga tinuod.
Gipasabot usab niini ang commitment sa Bureau of Corrections batok sa fake news ug misinformation, dili lamang aron maprotektahan ang reputasyon sa ahensya apan usab mapanalipdan ang mga pampublikong institusyon.
Kahinumduman nga unang mikuyanap sa social media ang impormasyon nga posibleng pulihan kini sa Malakanyang ni General Manager Nicolas Torre III, sa Metropolitan Manila Development Authority.
