Aminado si Atty. Levi Baligod nga usa ka “error” kon namali lamang ang nahitabo sa dihang iyahang giapil sa listahan sa mga magbabalaod nga kuno nakadawat og dako nga bulto sa kuwarta si Leila de Lima, Rep. sa ML Party list.
Sa depensa sa nasampit nga abogado gibutyag niini nga kaniadto ang mga retiradong sundalo naghisgot nga lakip ang kanhi senador sa mga miting kabahin sa International Criminal Court (ICC).
Posible kuno nga kini ang nakapahimo kaniya nga ilakip si De Lima sa mga miyembro sa Congress nga kuno nakadawat og kuwarta.
Aminado usab ang abogado nga mahimo kining tawgon nga iyahang pagkasayop.
Kahinumduman, napili lamang si De Lima sa 2025 midterm elections, busa bag-o pa lamang kini mibalik isip magbabalaod ilawom sa 20th Congress.
Gipasabot usab sa abogado nga dili nagtapun-og nga maletang kuwarta ang gihatag kang De Lima, kondili usa lamang ka paperbag nga posible adunay sulod nga P5 milyon hangtod P10 milyon.
