Gikondena sa Malacañang ang pahayag sa abogado ni kanhing Pangulong Rodrigo Duterte, si Nicholas Kaufman, nga nag-ingon nga gidautan ni Pangulong Ferdinand Marcos Jr. ang administrasyon ni Duterte.
Subay sa unang adlaw sa confirmation of charges sa International Criminal Court, nadawat sumala pa ang usa ka tawag sa telepono nga gipasigarbo nga magpagawas og mga witness aron dautan ang kanhing pangulo.
Gibutyag pa nga kini usa ka pamaagi aron ipakita nga adunay political bias batok sa administrasyon ni Duterte.
Matud pa ni Palace Press Officer Usec. Claire Castro, kini nga alegasyon ni Kaufman batok kang Marcos usa lamang ka binuang ug walay basehan.
Sumala pa niya nga daw si Kaufman ang adunay problema karon ug dili ang iyahang kliyente nga si Duterte, tungod kay ang crime against humanity case nga gi-file sa ICC batok kaniya nagsugod pa sa 2017, ug ning panahona usa pa ka private citizen si Marcos.
Gibutyag usab ni Castro nga dili klaro ang papel ni Kaufman isip defense lawyer, kay ang sumala pa mga extrajudicial killings nga gi-refer sa kaso nahitabo pa sa panahon nga si Duterte mayor pa sa Davao City, ug wala kini direktang kalabotan sa administrasyon ni Marcos.
Gipahimangnuan usab ni Castro nga ang tinuod nga hustisya kinahanglan ipatuman subay sa ebidensya ug dili sa political narratives o propaganda.
