-- ADVERTISEMENT --
Gitudlo ni Pres. Bongbong Marcos ang abogado nga si Melvin Matibag isip bag-ong direktor sa National Bureau of Investigation (NBI) karong adlawa. Kahinumduman, nagsilbi kaniadto si Matibag isip usa ka sekretaryo sa Gabinete ni kanhing Presidente Rodrigo Duterte.
Una na nga gi-anunsyo ni Undersecretary Claire Castro ang pagpili sa Pangulo sa bag-ong opisyal. Pulihan ni Matibag si Atty. Angelito Magno, nga nag-alagad isip acting direktor sa NBI.
Wala ana maghatag og dugang impormasyon si Castro kung kanus-a ang opisyal nga pagsugod sa trabaho ni Matibag.
