Walo ka mga backcountry skiers ang nakit-an nga wala nay kinabuhi, ug usa pa ang nagpabiling nawagtang human sa usa ka avalanche sa Sierra Nevada sa California.
Sumala pa sa mga opisyal nga nakaplagan ang mga patay nga lawas sa biktima human sa gipahigayon nga search ang rescue operatiom nga ilahang giisip nga hilabihan ka peligroso nga kondisyon aron maluwas ang uban pang skiers nga kabahin sa maong grupo.
Nasayran nga ang maong trahedya mao na ang labing makamatay nga avalanche sa Estados Unidos sulod sa 45 ka tuig, ikaduha lamang sa avalanche nga nakakalas og 11 ka mga tawo sa Mount Rainier sa Washington niadtong 1981.
Gipahibalo ni Shannan Moon, Sheriff sa Nevada County nga lakip sa mga namatay ang tulo ka mga guide gikan sa kompanyang Black Mountain Guides.
Nasayran nga adunay pito ka mga babaye ug duha ka mga lalaki ang lakip sa mga namatay nga skiers, ingon man ang kapikas sa usa sa mga miyembro sa search team nga gipadala sa rescue operation.
