-- ADVERTISEMENT --
Gibutyag ni Senate Deputy Majority Leader Risa Hontiveros nga walay senador nga madakpan samtang anaa ang sesyon sa Senado.
Gitumbok kini ni Hontiveros human gihinganlan sa International Criminal Court (ICC) sila si Senador Christopher “Bong” Go ug Ronald “Bato” Dela Rosa nga co-perpetrators sa kaso ni kanhi Pang. Rodrigo Duterte sa ICC.
Gikanayon niini nga iyahang gipasalig ang baruganan ni Senate President Vicente “Tito” Sotto III sa isyu, nga gipasabot na kaniadto.
Bisan paman niini, giangkon ni Hontiveros nga ang labing bag-ong kalamboan usa ka sakit nga proseso alang sa Senado ug kinahanglan nga hisgutan sa husto nga oras ug panahon.
