Gilimod sa Malacañang nga dili kini taktika aron ilihis ang atensyon sa publiko kalabot sa pagkadawit nila Senador Ronald dela Rosa ug Senador Bong Go isip mga giingong “co-perpetrators” sa kaso batok ni kanhi Pangulong Rodrigo Duterte sa International Criminal Court (ICC).
Kini ang tubag ni Palace Press Officer ug PCO Usec. Claire Castro sa pahayag sa PDP-Laban nga giingong gigamit sa administrasyon ang maong isyu aron ilihis ang atensyon gikan sa mga alegasyon sa korapsyon.
Matod pa ni Castro, dugay na nga nakaong-ong ang kaso sa ICC ug napasaka na kini bisan sa wala pa mahimong pangulo si Pang.Ferdinand Marcos Jr.
Dugang pa niya, wala sumala pa’y impluwensiya ang kasamtangang gobyerno sa ICC busa dili angay nga ibasol sa administrasyon ang bisan unsang findings sa korte.
Gihisgutan usab ni Castro ang naunang pahayag ni Baguio City Mayor Benjamin Magalong nga adunay giingong report kalabot sa mga sayop nga nahitabo sa kampanya batok sa ilegal nga droga, ug gi-awhag ang media nga mangayo og dugang detalye mahitungod niini.
