Nagduso og petisyon ang pipila ka mga abogado sa Supreme Court of the Philippines batok kang Vicente ‘Tito’ Sotto III, ang Senate President.
Lakip sa mga nagreklamo sila Ferdinand Topacio, Manuelito Luna, ug Harold Respicio, nga nagpasaka og kaso batok sa senador tungod sa iyang mga pahayag kalabot sa miaging resolusyon sa Korte Suprema mahitungod sa impeachment complaint batok kang Sara Duterte.
Partikular nga gisang-at nila ang usa ka petition for indirect contempt, tungod sa ilang pagtuo nga wala gitahod sa senador ang desisyon sa Korte Suprema.
Matud ni Atty. Topacio, ang mga bag-ong pahayag sa senador nakaapekto sa imahe ug integridad sa taas nga Hukmanan.
Gibutyag usab sa abogado ang pipila ka mga komento ni Senador Sotto nga ilahang giingong sayop ug dili nila masabtan.
Dugang pa niya, ang maong mga pahayag dili angay ug dili madawat, ilabi na kay ang senador mao ang pangulo sa taas nga kapulungan sa Kongreso.
Kung mapamatud-an nga guilty sa indirect contempt si Senate President Sotto, posible siyang multahan og hangtod P309,000 ug mahimo usab nga masentensyahan og unom ka bulan nga pagkabilanggo.
