Subling nagpahinumdom ang Department of Health o DOH nga dili lamang sa Valentine season ang pagpatuman sa luwas nga pakighilawas, kondili sa tibuok tuig.
Sumala sa DOH, ang safe sex makatabang sa paglikay sa sexually transmitted infections o STIs, dili planadong pagbuntis, ug nagsilbing epektibong paagi sa family planning.
Gipahimangno sa ahensya, ilabina sa mga anaa pa sa “dating stage” o dili pa minyo, ang paggamit og proteksyon sama sa condom, lubricants, ug pre-exposure prophylaxis o PrEP.
Dugang pa sa DOH, importante usab ang pagrespeto sa consent ug personal boundaries sa matag usa sa bisan unsang porma sa physical intimacy.
Samtang kabahin niini, gibutyag sa ahensya ang padayon nga pagsaka sa HIV cases sa nasud, diin kapin 1,400 ka mga bag-ong kaso ang natala gikan Nobyembre hangtod Disyembre 2025.
Alang sa mga single, gitambagan sa DOH ang paghatag og panahon sa kaugalingon pinaagi sa self-love ug pag-atiman sa mental health. Pahinumdom sa ahensya, ang tinuod nga gugma makita sa pagpanalipod sa kaugalingon ug sa kaayohan sa uban.
