Gihangyo ni Pangulong Ferdinand Marcos Jr. ang mga magbabalaod nga unahon ang pagduso sa balaod nga magtangtang sa travel tax ug ang pagdili sa political dynasties sa nasod.
Sumala kang Communications Undersecretary Claire Castro, duha lamang kini sa 21 ka mga priority bills nga gustong mapasa sa mga magbabalaod sa dili pa mo-adjourn ang Kongreso sa bulan sa Hunyo.
Gihatag sa pangulo ang maong direktiba atol sa 3rd Legislative Executive Development Advisory Council (LEDAC) meeting nga gihimo sa Malacañang.
Dugang pa ni Castro, dili tanang nagabyahe tungod sa paglulinghayaw, kay ang uban nagabyahe usab alang sa trabaho.
Sa kasamtangan, subay sa datos sa Tourism Infrastructure and Enterprise Zone Authority (TIEZA), nagabayad og ₱2,700 nga travel tax ang mga pasahero sa first class seats, samtang ₱1,620 usab ang ginabayran sa mga economy class nga pasahero.
