Kris Aquino, gitugotan na nga makapauli sa ilahang balay

Gipahibalo ni Kris Aquino nga gitugotan na siya sa iyahang mga doktor nga makapauli sa ilahang balay.

Sa iyang social media account, gipaambit sa Queen of All Media ang litrato nga pauli na siya sa iyahang bag-ong panimalay.

Dugang pa niya nga diretso sila nga miuli human sa kapin unom ka semana nga pagpabilin sa ospital.

Niadtong Enero, gikanayon niini nga mihunong ang iyahang pagginhawa sulod sa kapin duha ka minuto human nga miondang ang paggana sa iyahang baga.

Gipasalamatan niya ang tanan nga mga doktor ug medikal nga eksperto sa ilahang dali nga pag-atiman alang sa iyahang pag-ayo.

Plano usab niya nga maghimo og kaugalingong podcast aron ipaambit sa iyahang mga fans ug followers ang mga update sa iyahang kinabuhi.