Gisibog pag-usab sa Sandiganbayan Third Division ang arraignment o pagbasa sa kaso batok kang kanhi Senador Ramon “Bong” Revilla sa kasong malversation.
Kini samtang nakaong-ong pa sa resolusyon ang mga mosyon sa kampo sa kanhi Senador nga nangutana ug mikuwestiyon sa kaso batok kaniya nga may kalabutan sa giingong P92.8 milyong ghost flood control project sa Pandi, Bulacan.
Tungod niini, giatras ang arraignment ni Revilla kauban ang kanhi Department of Public Works and Highways (DPWH) Bulacan First District Engineering Office finance section chief nga si Juanito Mendoza sa Pebrero 16 sa alas-otso traynta sa buntag.
Kahinumduman nga nalambigit ang ngalan sa kanhi Senador sa flood control scandal human sa pagbutyag sa kanhi DPWH Usec. Roberto Bernardo nga giingong nakadawat og kickbacks ang kanhi Senador alang sa pag-endorso sa mga flood control projects.
