Nagkatag ang mga gapnod ug nga basura human sa nahitabong baha sa Iligan City,Lanao Del Norte kagabii.
Nasayran nga kagahapong adlawa pa nakasinati ba og mga pag-ulan nasampit nga gumikan sa pagsulod sa kayutaan ni Bagyong Basyang.
Tungod sa maong sitwasyon, daghang mga kabtangan ang nangadaot nga lakip na niini ang mga sakyanan nga gianod sa mga pagbaha.
Karong adlawa nagpabilin ang nasampit nga syudad ug probinsya sa Wind Signal No. 2 tungod sa bagyo nga adunay internasyunal nga pangalan bga gitawag og Penha.
Usa sa mga Barangay nga apektado ang Mahayahay, Iligan City nga padayon karon nga ginabantayan pag-ayo samtang nagpadayon ang epekto sa bagyo.
Kasamtangan nag-assess ang mga rescue team sa sitwasyon sa lugar ug andam ang mga operasyon sa pagtubag sa bisan unsang ireport nga mga emerhensiya.
Ginaawhag usab karon ang mga residente sa mga delikadong lugar nga magpabiling alerto, motuman sa opisyal nga mga pahibalo, ug mobalhin sa mas taas nga lugar kon magpadayon ang mga pag-ulan ug pagbaha.
