Gipahibalo sa DILG nga 40 ka mga personahe nga kasamtangan ug kanhing opisyal sa Bureau of Fire Protection (BFP) nga nagsilbi sa Bids and Awards Committee gikan 2005 hangtod 2025 ang atubangon og mga kaso tungod sa giingong rigged nga procurement deals ug extortion.
Sumala ni DILG Secretary Jonvic Remulla, nadiskubrehan ang bid rigging sa BFP nga posibleng moabot og binilyon nga kantidad sa salapi.
Lakip niini ang usa ka kanhing fire marshal sa Quezon City nga giingong mipugos sa usa ka negosyo sa Cubao nga mopalit og nilibo nga kantidad sa fire extinguisher.
Nagsugod na usab ang DILG og halapad nga imbestigasyon batok sa giingong “organized crime syndicate” sa pipila ka mga BFP offices, nga gilangkoban sa recruitment, asset procurement, ug fire safety permits.
Samtang suportado usab sa BFP ang maong lakang nga kampanya batok sa korapsyon, nagpatuman sa OPLAN SANTINDIG, ug nakiglambigit sa Philippine National Police (PNP).
Gitino usab sa ahensya ang zero-tolerance policy batok sa korapsyon ug ang transparent nga mga pamaagi sa pag-hire ug bag-ong personahe.
