-- ADVERTISEMENT --
Gisalikway ni Pang. Ferdinand “Bongbong” Marcos Jr. ang panawagan sa pipila ka mga magbabalaod nga ideklarang persona non grata si Chinese Ambassador Jing Quan taliwala sa tensyon sa West Philippine Sea.
Sumala ni Palace Press Undersecretary Claire Castro, dili uyon ang Presidente sa pagpalayas sa maong opisyal bisan pa man sa tinguha sa katorse ka mga senador nga kondenahon ang agresibong lihok sa China.
Kini nga lakang migula human ang pipila ka mga senador nipadayag sa ilahang kasuko pinaagi sa usa ka resolusyon tungod sa mga pamahayag sa embahada sa China.
Gipasabot sa Malacañang nga mas gusto ni Pang. Marcos nga sulbaron ang maong panagsumpaki pinaagi sa lig-on nga aksyon dungan ang diplomasya nga pamaagi.
