Nahulog sa pangpang o kilid sa kalsada ang usa ka trailer truck nga nagdala og 1,400 ka kahon sa preskong pinya nahulog sa sa Sitio Talisay, Barangay Suawan, Marilog District, Davao City karung adlawa Enero 30, 2026, alas 4:30 sa buntag, nga nagresulta sa pagkamatay sa driver.
Ang driver nga si Hans Tyrone Villarin Latorza, 40 anyos, minyo, residente sa Tibungco, Davao City, nalambigit sa trahedya human nawala ang kontrol sa trailer truck samtang nagbiyahe paingon sa Davao City gikan sa Bukidnon.
Sumala sa imbestigasyon,ang truck nahulog sa usa ka cliff nga hapit 50 metros gikan sa kalsada.
Gumikan sa impact, na trapped ang driver sa cabin sa truck ug giluwas kini sa BFP rescue team ug 911 USAR personnel, nahaw-as ang biktima apan gi-deklara nga patay sa 911 medical team.
Ang lawas gidala sa Angel Funeral Home sa Calinan alang sa proper handling.Ang aksidente nakadaut usab sa mga road railings sa DPWH, lima (5) ka punoan sa mangga , ug usa ka cyclone wire fence.
Nadaut ang trailer truck lakip na ang kargamento niini tungod sa insidente.
