Patay ang usa ka lalaki human malambigit sa usa ka motor vehicular accident sa Km. 27, Brgy. Lasang, Davao City kagahapon, Enero 29, 2026, alas 4:11 sa hapon.
Sumala sa report sa kapulisan, ang biktima nga si Jakey, 25 anyos, single, residente sa P1 Tagnocon, Nabunturan, Davao de Oro, nagmaneho sa iyang Suzuki FU150MFX Raider padulong sa northbound lane sa Daang Maharlika Highway.
Ang ikaduha nga sakyanan, usa ka UV DFSK double cab dropside nga gimaneho ni Henry, 35 anyos, residente sa Prk. Rosas, Limbahan, Lupon, Davao de Oro, padulong sa southbound lane, misulod sa left turn sa nasangpit nga dapit.
Tungod sa pagkabangga sa right rear side sa UV DFSK, nahulog ang driver sa motorsiklo sa sementadong dalan nga miresulta sa iyang hinanaling kamatayon.
Sa pagka karun, anaa ang lawas sa biktima sa Rivera Funeral Parlor, Licanan, alang sa proper handling ug kasamtangag gina contact ang pamilya para iclaim ang maong patay’ng lawas.
