Nipasidaan ang Presidential Communications Office (PCO) ngadto sa publiko batok sa pagtuo sa peke nga mga medical report ni Pangulong Ferdinand Marcos Jr.
Sumala sa PCO, ilahang gikondena ang pagkaylap sa maong peke nga medical report nga giingong gikan sa Presidente.
Dugang pa niini nga ang maong medikal nga impormasyon nga gibutyag niini klaro nga peke ug giingong paglapas sa katungod sa Presidente sa hisgutanang pribasiya.
Giawhag niini ang katawhan nga motuo lamang sa gipagawas sa mga awtorisado nga tinubdan sa gobyerno.
Nagpagawas usab og pahayag ang St. Lukes Medical Center, diin ilahang gibutyag nga wala silay gipagawas nga bisan unsang resulta sa medical test sa Presidente.
Sumala sa pahayag, klaro nga peke ang maong mga dokumento ug walay kamatuoran nga ilaha kining gipaguwa tungod ilahang gisunod ang confidentiality sa pasyente ingon man ang data privacy.
